شد حيلك يا بلد

قصيدة لاخى الحبيب أبن الغنايم الشاعر أحمد ثابت



شد حيلك يا بلد


شد حيلك يا بلد فى كل محنه
العيب اصلاً مش فى البلد
العيب فينا احنا
لما مسلم يمسك مسيحى يضربه
دا نقص دين
بالذمه من نفسكم مش مكسوفين
ولما مسيحى يسب دين المسلمين
ويفتح بيبان النار اللى اتقفلت من سنين
يطلع يقول اسف مش انتو المقصودين
طاب بسبك للنبى قصدت مين
يبقا انت اصلاً مش مسلم والا مسيحى
انت من ضمن المندسين
بعد اللى اتكتب والا اتنشر عنك يا مصر
ارجع واقول
شد حيلك يا بلد فى كل محنه
العيب اصلاً مش فى البلد
العيب فينا احنا
لما اكون انا ابن بلدك
وامص دم الغلبانيين
والفقير يصرخ يقول دانا ولدك
طاب دول مين
دول اصلاً نصابيين
يبقا اكيد العيب مش فى البلد
العيب فى ريس مش كويس
يسرقنا فى الخفا وعلى الهوا
يقعد يهيس
يقول كلام مليان محبه مليان ايمان
كله خير كله حنان
متقولش ابوى
خايف عليا من الزمان
اتريه شيطان
يسرق ويقتل يسكر وينهب
ويمص دم الغلبانيين
انت مين
انت رئيس
لا
انت خسيس
ولما اروح انادى بحقى
تقول عليا دا شاب سيس
لما اخويا الكبير ياكل ميراثى
لما التار فى البلد يكون اساسى
لما انادى بحقى يوم
اخد رصاصه مقنصه تفرتكلى راسى
يبقا اكيد العيب فينا احنا ودا شيئ اساسى
عارفه يا مصر اللى حصل فيكى كتير
دا شغل اعدائك ومن وراه تدابير
اللى حصل فى الميدان
وفى ماسبيروا كمان
اوعى تقول دا اختبار
اياك تقول دا امتحان
كل ده مدروس تمام
من عدوك الجبان
ثوره مضاده اياك تنام
وفى نهايه الكلام
العيب مش فى البلد
العيب فينا احنا

مشكور استاذى واخى العزيز ايمن صالح على اهتمام بالقصيده ونشرها فى منتداك
والف مبروك ترشيحك رئيساً للجمهوريه